Ibra: Osjećam se kao desetka

Za mene, broj 10 je zvijezda. Onaj koji pravi razliku, biva primijećen, dobija mečeve i lider je. Vidim sebe u toj poziciji, ali to nije nešto što ti se daje, to je samo ono što si ti”, u svoj stilu je rekao Ibrahimović

Zlatan Ibrahimović se bliži povratku na teren nakon teške povrede koljena, ali je veliko pitanje gdje će ga koristiti Žoze Murinjo.

 

Mančester junajted je ovog ljeta doveo Romelua Lukakua, koji se nametnuo kao prvi špic, pa 36-godišnji Šveđanin poručuje da bi mogao da pokrije poziciju na kojoj ranije nije igrao.

 

Ali, poručuje da je spreman za novu ulogu – ulogu prave desetke.

 

Taj broj je i uzeo nakon što je devetku prigrabio Lukaku.

 

„Za mene, broj 10 je zvijezda. Onaj koji pravi razliku, biva primijećen, dobija mečeve i lider je. Vidim sebe u toj poziciji, ali to nije nešto što ti se daje, to je samo ono što si ti. Tako stoje stvari”, u svoj stilu je rekao Ibra.

 

A onda je i pojasnio koliko mu znači desetka na leđima.

 

„Da budem iskren, to je kao okidač za povratak na teren, jer sam nosio desetku u reprezentaciji Švedske i PSŽ-u. Nosio bih je i u Interu, ali sam otišao u Barselonu. Želio sam je i u Milanu, ali je nisam uzeo iz respekta. Osjećam se kao desetka i tako se ponašam. U istoriji će zauvijek ostati zapisano da sam imao broj 10”.

Leave a Comment